Tiki Hunia kia hoki mai

I tino aroha rāua kia rāua ano. Koinei te whakatau a te matua kēkē o te hoa wahine o te tangata no Aotearoa i mate i Hamēka i tēra wiki.
I kōhurutia a Tiki Hūnia, rua tekau mā whitu tau te pakeke, i Hamēka, whai muri i te patuna o tana hoa wahine, a Nickie Jean Hūnia, ki te māhunga.
Hei tā Brian Stapleton, te matua kēkē a Nickie-Jean nō Te Puke, he tangata aroha a Tiki Hūnia, ahakoa te pikiwhara. Kei te tūmeke tonu a Stapleton, me te maha o ngā whānau, ki te matehanga o Hūnia, a, me te patai atu he aha ai i pā tēnei aitua kino ki runga i tētahi tangata tino nui te aroha. Hei tā te matua kēkē, i whakaaro a Hunia mo te oranga o tana hoa wahine, koirā i tarapeke ia ki te awhi i tana hoa wahine,a, koira te aroha tino nui i waenga i ngā tokorua.
I pūhia a Tiki Hūnia e tētahi nanakia, e hiahia ana ki te whānako i te wāea pūkoro a Hūnia. Kei te rangahautia tonutia e ngā pirihimana o Hāmēka, i te kōhurutanga a Hūnia.