E i E i e irihi ki runga te oro, ka whiti mai ana te mahana hei haumaringi mōu

Kei ngā huia kaimanawa e noho tau ana ki roto i te aio o te whare, ki ngā tini tūru e haneanea ana ka karamatangia te karu, te ngakau, te pīnati ki te hora ki te kupu.

Ki roto i ngā auheke me ngā taipikinga kei konei tonu  ana te tuhi e hora ki mua te aroaro, hei wera mo te ahi.

Heoi anō ka tae mai anō kei runga anō i tēnei whārangi hihiko ki te p anō ngā wānanga pīnati o te ringa patopato.

Ka takotohia te kaituhi i ngā kaupapa māori e rukuhia hōhonutia ki ngā aronga o te hunga māori me ngā hakaaro māori.  I roto i ngā nekehanga o te wā ko te maramataka māori e rongonoui haere ana, ko te awenga o te Tākuta a Rangi Mātamua tēnā.  Heoi anō ko raua hoki ko Matua Rereata Makiha raua ko Rikki Horomona tētahi atu e haerere haere ana i ngā pō kauhau o te motu.  Ka mutu ka tāpirihia ki ngā tini kaupapa o te ao Māori he rawe kia whakaaweawe i wēnei kaupapa o mai rāno e pēhi mai i tātou i roto i tā mātou ao hurihuri.

Ka whiria e au i ngā kaupapa o Māori e hangai pū ana aianei ki waku kaupapa o te tohu paerua ki Te Whare Wānanga o Raukawa.

Hei kai mo te whakaaro ko te mea tuatahi, ka timata ki te mahi o te rangatira.  Ki tā te kōrero o Te Manuhuia Bennett he rangatira o mua no Te Arawa waka, mana te whakatauki nei:

Ko te kai a rangatira he kōrero,
Ko te tohu a te rangatira he manaakitanga,
Ko te mahi a te rangatira he whakatira i te iwi.

Koinei he tauira e hangai pū ana ki te arahi i a tātou ngāi Māori.